Situacion: Voletz èsser tranquille/a, mas lo bruch s’arrèsta jamai dins vòstra maison. Damandatz-vos a vos-mèsme/a si i aurá jamai un pauc de tranquillitat, dins ‘quela maison.

Interpretacion de l’enonciat: Interrogativa absoluta retorica, amb calhetatge de malcontentament

Informador: P. F.

Descripcion: Lo contorn qu'avèm aicí es en dents de ressèga: un ton bas altèrna amb un ton naut, long de tota la frasa, qu'es pas qu'un sol domeni intonatiu. La frasa es aicí tròp longa per que pòsca i aver escalonatge amont (upstep) de totes los pics tonals nauts. Entre lo primièr sus pas e lo segond sus -ver, si que la nautor tonala aumenta, mas sus -ment, es ja mendre: la longor de la frasa obliga a l'escalonatge aval (downstep). Lo pic sus la sillaba iniciala de tranquillitat es encara un pauc mens naut, mas aquel de la sillaba tonica -tat, tòrna èsser mai naut, e sus la sillaba finala -son, l'escalonatge amont arriba a son ponch maximal, abans que se realize lo ton de frontièra bas, que marca, amb lo perfil en dents de ressèga, lo malcontentament exprimit pel locutor.

Enonciat: Pòt pas i aver un moment de tranquillitat dins 'quela maison?!